අ.පො.ස උසස් පෙළ විභාගය දෙසැම්බර් මාසයේදී ද පැවැත්වෙන නිසා මේ වසරේදී පළාත් පාලන මැතිවරණය පැවැත්වීමට හැකියාවක් නොමැති බවට මැතිවරණ කොමිෂන් සභාව නිරීක්ෂණය කර ඇත.
කෙසේවෙතත් එම මැතිවරණයට අදාළව මීට ඉහට්දී නාමයෝජනා බහර ගත් නමුත් එම නාමයෝජනා අතර ඇතැමුන් මියයාම, රැකියා සඳහා විදෙස් ගතවීම, දේශපාලනයෙන් ඉවත්වීම වැනි කාරණා මත එහි වලංගු භාවය සම්බන්ධයෙන් ද ගැටළුවක් මතුව තිබේ.
එහෙත් යළි නාමයෝජනා කැඳවීම සඳහා පාර්ලිමේන්තුවේ සම්මත්කරගත යුතුවෙයි.
මේ අතර පැරණි නාමයෝජනා ලැයිස්තුවට පළාත් පාලන මැතිවරණය පවත්වන්නේ නම් ඊට ඡන්දය ප්‍රකාශය කිරීමේ අවස්ථාව ලැබෙන්නේ 2023 වසරේ ඡන්ද හිමි නාමලේඛනයට ලියාපදිංචි වූ ඡන්ද හිමියන්ට පමණක් වන නිසා 2024 ඡන්ද හිමි නාමලේඛනය සමග සැසඳීමේදී ඡන්දදායකයන් ලක්ෂ තුනකට ආසන්න පිරිසකට ඡන්දය ප්‍රකාශ කිරීමේ අවස්ථාවද අහිමි වෙයි.
මෙම සියලු කාරණා එසේ තිබියදී පළාත් පාලන මැතිවරණය කඩිනමින් පවත්වන ලෙස අධිකරණ නියෝගයක් ද පවතියි.
හිටපු ජනාධිපති රනිල් වික්‍රමසිංහ මහතාගේ පාලන කාලය තුළ මෙම මැතිවරණය පැවැත්විය යුතු වුවත් එය මන්හැරීමටයි එම පාලනය කටයුතු කළේ.
Sri News Media
