නීතිවිරෝධීව ගෙන ආ කෝටි දෙකකට අධික භාණ්ඩ සහ මත්පැන් සමඟ තුනක් අල්ලයි

0
9

නීතිවිරෝධී ලෙස මෙරටට ආනයනය කර රේගුවට තීරු බදු නොගෙවා කටුනායක ගුවන් තොටුපොළෙන් පිටකරගෙන රැගෙන යමින් සිටි රුපියල් කෝටි දෙකකට අධික වටිනාකමකින් යුතු භාණ්ඩ තොගයක් සමඟ ඒවා මෙරටට රැගෙන ආ ව්‍යාපාරිකයන් තිදෙනෙක්‌ ද කටුනායක ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් පිරිසක් විසින් ඊයේ (11) පස්වරුවේ අත්අඩංගුවට ගෙන තිබෙනවා.

මෙම භාණ්ඩ තොගය අතර විදේශීය නිෂ්පාදිත විස්කි, දුම්වැටි, ඇපල් වර්ගයේ ස්මාර්ට් ජංගම දුරකථන, දුරකථන උපාංග, ඇපල් වර්ගයේ ස්මාර්ට් අත්ඔරලෝසු, මැක් බුක්, ඇපල් වර්ගයේ අයි පෑඩ් ඇතුළු ඉලෙක්ට්‍රොනික උපකරණ රැසක් ඇති බවයි.

මෙම භාණ්ඩ තොගය මිනුවන්ගොඩ, මස්කෙළිය සහ කොළඹ 13 යන ප්‍රදේශවල පදිංචි ව්‍යාපාරිකයන් තිදෙනකු විසින් මෙරටට රැගෙන විත් තිබූ බවයි අනාවරණය වී ඇත්තේ.

ගුවන් තොටුපොළෙන් පිටත ප්‍රදේශයේ ආවේක්ෂණ රාජකාරි වල නිරතව සිටි කටුනායක ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් පිරිසක් විසින් මෙම අත් අඩංගුවට ගැනීම සිදුකර තිබෙනවා.

මෙසේ අත්අඩංගුවට ගත් භාණ්ඩ තොගය සහ ඒවා නීතිවිරෝධී ලෙස මෙරටට ගෙන ආ ව්‍යාපාරිකයන් තිදෙනා මේ වනවිට වැඩිදුර විමර්ශන කටයුතු සදහා කටුනායක ගුවන් තොටුපොළ රේගු නිලධාරීන් වෙත භාර දී ඇති බවයි වාර්තා වුණේ.

Sri News Media

LEAVE A REPLY

Please enter your comment!
Please enter your name here