දෙටු – කණිටු පළමු තේරීම මාර්තු 01 – 02 – Sri News

0
14


සටහන – නිශ්මං රණසිංහ

ජනවාරි 26 කොළඹ (LNW): ශ්‍රී ලංකා මලල ක්‍රීඩා සංගමය මේ වසරේ පැවත්වීමට නියමිත ජාත්‍යන්තර තරගාවලි ගණනාවක් සම්බන්ධයෙන් අවධානය යොමු කරමින් කණිෂ්ඨ සහ ජ්‍යෙෂ්ඨ යන දෙ’අංශයටම බලපාන පරිදි පවත්වනු ලබන තේරීම් තරගාවලියේ පළමුවැන්න මාර්තු මස 01 සහ 02 යන දෙදින තුළ දියගම මහින්ද රාජපක්ෂ ක්‍රීඩාංගණයේදී පැවත්වීමට යෝජනා කර ඇත.

මේ තරගාවලිය සඳහා අයදුම්පත් නිකුත් කිරීම ජනවාරි 24 දා සිට ක්‍රියාත්මක කරන අතර කොළඹ 7 නිදහස් චතුරස්‍රය ඉදිරිපිට පිහිටි ශ්‍රී ලංකා මලල ක්‍රීඩා සංගමයේ මූලස්ථානයෙන් අයදුම්පත් නිකුත් කිරීම සිඳු කරන අතර එසේ ලබා පුරවන ලද අයදුම්පත් භාරගැනීම පෙබරවාරි 14 වන දා අවසන් වේ.

මේ තරගාවලිය හරහා දකුණු ආසියානු ක්‍රීඩා උළෙල,දකුණු ආසියානු මලල ක්‍රීඩා සූරතාවලිය,දකුණු ආසියානු කණිෂ්ඨ මලල ක්‍රීඩා සූරතාවලිය මෙන්ම ආසියානු කණිෂ්ඨ මලල ක්‍රීඩා සූරතාවලිය යන තරග සඳහා සුදුස්සන් තෝරාගැනීමේ පළමු අවස්ථාව වනු ඇත.එසේම මේ වසරේ දී පැවත්වෙන ඔලිම්පික් තරගාවලියට සුදුසුකම් ලබා ගැනීමේ ආසන්නයේ සිටින ක්‍රීඩක ක්‍රීඩිකාවන් ද මේ තරගාවලිය සිය දක්ෂතා ජාත්‍යන්තර මට්ටමෙන් තව දුරටත් ඉදිරියට ගෙන යාමේ අවශ්‍යයතාවය වෙනුවෙන් ඉහළ දස්කම් දැක්වීමට සූදානමින් සිටිනු ඇත.



Sri News

LEAVE A REPLY

Please enter your comment!
Please enter your name here