දීර්ඝ කාලීන ආදරයක් පවත්වාගෙන යන්න වැදගත් වෙන කරුණු – Sri News

0
15

දෙන්නෙක් ආදරේ කරන්න පටන් ගන්නේ හැමදාටමත් ඒක පවතීවි කියලා හිතාගෙන තමයි. මොකද ඇත්තටම ආදරේ කරන දෙන්නෙක් අවුරුද්දකට දෙකකට කියලා ආදරේ කරන්න හිතන්නෙ නැහැනේ. සමහරු කෙලින්ම විවාහේ ගැනත් හිතාගෙනම ආදරේ කරනවා. තවත් සමහරු පටන් ගැන්මට විවාහේ ගැන ඒ තරම් බරපතලෙට හිතන්නෙ නැතත්, සසර සැරිසරන තෙක් ඔබ මගේ ඔබ මගේ කියලා හිතාගෙන තමයි ආදරේ කරන්නේ. හැබැයි මේ කොයි විදියට ආදරේ සිද්ධ වුනත් ඒක විවාහයෙන් කෙළවර වෙයි, ඉන් පස්සේ මැරෙන තුරාවට පවතියි කියලා ටක්කෙටම කියන්න නං බෑ. සමහර ආදර කතන්දර පටන් ගන්නේ යුගයේ ප්‍රේම කථා විදියට. හැබැයි මාස පහයි පැවැත්ම. ශෝචනීයයි තත්ත්වය!

ඇත්තටම දීර්ඝ කාලයක් ආදරයක් ගෙනියන්න නම් මොනවද කරන්න ඕන? ආදරයක් බලහත්කාරෙන් දීර්ඝ කාලයක් ගෙනියන්න නම් බෑ. ආදරේ ඉවරයි නම් තවත් බලෙන් සම්බන්ධය පවත්වා ගෙන වැඩක් නෑ. හැබැයි ආදරේ දීර්ඝ කාලයක් පවත්වා ගන්න කරන්න ඕන පොඩි පොඩි දේවල් තියෙනවා. ආන්න ඒ දේවල් කීපයක් තමයි මේ…

 

මේ විශ්වාසය කියන්නේ එයා හැමදාමත් දාලා නොයාවිද කියන විශ්වාසය නෙවෙයි. මනුස්සයා තමන් එක්ක ඉන්නේ වෙන මොනවා හරි අවශ්‍යතාවයකට නෙවෙයි කියන විශ්වාසය. තිත්ත වුනත් අපි ඇත්තට මූණ දෙන්න එපායෑ. සමහරු අපිත් එක්ක ජීවත් වෙන්නේ කායික අවශ්‍යතා වෙනුවෙන්. තව සමහරු මූල්‍යමය අවශ්‍යතා වෙනුවෙන් ඉන්නවා වෙන්න පුළුවන්. තව සමහරුන්ට තව තව අවශ්‍යතා තියෙන්න පුළුවන්. හැබැයි අපිට ඕන කරන්නේ අපිත් එක්ක තියෙන ආදරේ වෙනුවෙන් අපිත් එක්ක ඉන්න කෙනෙක්. මේ ඉන්න කෙනා අන්න එහෙමයි කියන විශ්වාසය තමයි මුලින් ඇතිකරගන්න ඕන. ඒකට ඉතින් ආදරෙන් අන්ධ නොවී ඇස් ඇරලා මනුස්සයාව නිරීක්ෂණය කරන්න වෙනවා.

 

මෙන්න ඊලඟ ස්ටෙප් එක. මේක උඩ කතන්දරේටත් වැදගත්. සමහරු ඉන්නවා මාර ගුප්ත චරිත. මේ අය ගැන කිසිම දෙයක් දැනගන්න එක ලේසි නෑ. හැබැයි එහෙම කෙනෙක් එක්ක දීර්ඝ කාලීන සම්බන්ධයක් පවත්වන්න විශ්වාසය හදාගන්න එකත් ලේසි නෑ. ආන්න ඒ නිසා දෙන්නත් එක්ක කථා බහ කරන්න ඕන. දෙන්නට දෙන්නා මුණගැහෙන්න ඕන. දෙන්නට දෙන්නා සමාජේ ගැවසෙන්න ඕන. කොටින්ම කියනවා නම්, දෙන්නට දෙන්නා හොඳට දැනගන්න ඕන. මේ දෙන්නවම හොඳින් දැනගන්නවා කියන එක දීර්ඝ කාලීන ආදරේකට අත්‍යාවශ්‍යයි.

 

දෙන්නෙක් ආදරේ කරනකොට තියෙන්න ඕන හෙනම ගැඹුරු කතා තමයි කියලා හිතනවා නම් ඒක වැරදියි. බොළඳ කතා තමයි කියලා හිතුවොත් ඒකත් වැරදියි. ආදරේදී තියෙන්න ඕන දෙන්නට දෙන්නා ආස හිතෙන කතා. ඒ කියන්නේ දෙන්නට පැය ගණන් කථා කර කර ඉන්න පුළුවන් වෙන්න ඕන. ඒකට හොඳ ගැලපීමක් තියෙන්න ඕන. ඒ වගේම බොළඳ කථා වගේම ගැඹුරු කථාත් සමෝසමේ තියෙන්න ඕන. ආදරේ කරන්න පටන් අරගෙන අවුරුදු ගාණක් ගියත් දෙන්නට දෙන්නා කථා කර කර ඉන්න ආසයි නම්, ආන්න ඒක තමයි දීර්ඝ කාලීන සම්බන්ධයකට තියෙන්න ඕනම දේ.

 

මේක ගොඩක් දෙනෙක් කරන නරක දෙයක්. ඒ තමයි ආදරේ ඩිමාන්ඩ් කරන එක. අපිට අනික් කෙනා වෙනුවෙන් පුංචි පුංචි ආදරේ හිතෙන දේවල් කරන එක මාර අමාරු දෙයක් නෙවෙයිනේ. ඒක අපිට ඇතුළාන්තයෙන්ම දැනෙනවා නම් එච්චරයි. හැබැයි සමහරු ඉන්නවා එහෙම ආදරේ පාන දෙයක් කරන්නේ අනික් කෙනාත් ආදරේ පෑමක් ක​ළොත් විතරයි. එයා ඉස්සරවෙලා කරන්න ඕන. ආන්න එහෙම පංගු පේරු එක්ක ආදරේ කරන්න බෑ. ඒකෙන් වෙන්නේ අර ආදරේ කිසිම අගයක් නැති වෙන එක විතරයි.

 

Sri News Media

LEAVE A REPLY

Please enter your comment!
Please enter your name here