දික්කසාද වුණු ඔබ හිතන්නේවත් නැති උදවි​ය – Sri News

0
4

අද වෙනකොට කලා ක්ෂේත්‍රය තු​ළ දික්කසාද වෙනවා කියන දේ හරි සුලබ දෙයක් බව​ට පත් වෙලා තියෙනවා. මේ නිසාම බොහෝ රසිකයන් එහෙම දික්කසාද වෙන පිරිස් ගැන අවඥාවෙන් බලනවා. ඒත් ඒක හරිද? දෙන්නෙක් දික්කසාද වෙන්නේ එකට ඉඳලා බැරිම තැන කියන දේ අපි  හිතාමතාම අමතක කරනවා. ගැලපෙන්නේ නැති බව දැනදැනම ජීවිතය විනාස කරගන්නේ නැතුව දික්කසාද වෙන එකේ ඇති වැරැද්ද මොකද්ද කියලා අපිම හිතන්න ඕන. මේ නිසාම අපි අද නොගැලපෙන විවාහය මත්තෙම නැහෙන්නේ නැතුව දික්කසාදය තෝරගත්ත ඔබ හිතන්නෙවත් නැති කීපදෙනෙක් ගැන කතා කරන්න හිතුවා.

 

ආචාර්‍ය ලෙස්ටර් ජේම්ස් පීරිස් මහත්තයගේ නමත් එක්ක කියවෙන අනිත් නම තමයි සුමිත්‍රා පීරිස් කියන නම. නමුත් ඔබ දන්නවද ඇය ජේම්ස් පීරිස් මහත්මයගේ දෙවන බිරිය බව. මීට පෙර එතුමා ඉතාලි ජාතික කාන්තාවක සමග විවාහ වී හිටියා.නමුත් විවිධ හැලහැප්පීම් නිසා එම විවාහය බිඳ වැටුණා. ඉන්පසුව එතුමාගේ හිත නැවතුණේ තමන්ට වඩා වසර ගණනාවක් බාල සුමිත්‍රා පීරිස් ගාව. ඒ විවාහයේ සාර්ථක බව ගැන අමුතුවෙන් කියන්න ඕනේ නෑ කියලා අපි හිතනවා.

 

නන්දා මාලිනී මහත්මිය අපේ ජාතියේ ගායිකාව කියන එක අවිවාදිතයි. දිළිඳු පවුලක ඉපදිලා ලංකාවේ විශිෂ්ටතම ගායිකාව බවට පත්වුණු ඇය ගමන් කළ මාවතේ මල් වගේම ගලුත් ඇයට හමුවුණා. විවාහය නිසා ඇයට රටක් වටින දරුවන් දෙදෙනෙක් ලැබුණත් සුනෙත් ගෝකුල මහතා සමග පැවති විවාහය සාර්ථක වුණේ නෑ. එහිදී ඇය දික්කසාදය තෝරාගෙන තමන්ගේ දරුවන් දෙදෙනා තනිවම හදාවඩා ගැනීම සිදු කළා.

 

අයිරාංගනී මීදෙණිය විදිහට රදළ පවුලක ඉපදුණු ඇය තමන්ගේ දෙමව්පියන්ගේ විරෝධය තඹ සතකයට ගණන් ගන්නේ නැතුව ශ්‍රී ලංකා විශ්වවිද්‍යාලයට ඇතුළත් වෙනවා. වැඩිදුර ඉගෙනීමට ලන්ඩනයට යන ඇයට මහාචාර්‍ය ඊ. එෆ්. සී ලුඩොවික් විසින් කපුකමක් කරනවා. ඒ දිසානායක නම් තරුණයෙක්ව. ඉතා ඉක්මනින් විවාහයට එක් වෙන මේ දෙදෙනා ඉතා ඉක්මනින් වෙන් වෙනවා. දිසානායක පස්සෙ කාලෙක මහාචාර්‍යවරයෙක් බවටත් පත්වෙනවා. අයිරාංගනි මීදෙණිය ඉන්පස්සේ රේඛාවෙදි තමන්ට මුණ ගැහෙන වින්ස්ටන්ට් සේරසිංහ සමග විවාහ වෙනවා.

 

එදිරිවීර සරච්චන්ද්‍ර පළමු වර විවාහ වෙන්නේ අයිලීන් නම් තරුණියක් එක්ක. මේ විවාහයෙන් ඔවුන්ට දරුවන් දෙදෙනෙක් ලැබෙනවා. ඒ විවාහය දෙදරා යද්දි සරච්චන්ද්‍ර මහත්මයා හුදෙකලා වෙනවා. නැවතත් එතුමාගේ ජීවිතයට නව පණක් දෙන්නේ ලලිතා සරච්චන්ද්‍ර මහත්මිය.

 

Sri News Media

LEAVE A REPLY

Please enter your comment!
Please enter your name here