දැන්වීම්කරණ ක්ෂේත්‍රයේ නව මානයන් සොයා යන්නට Four A’s Advertising Festival සූදානම්

0
10

Accredited Advertising Agencies Association (4A’s) දැන්වීම් ආයතන සාමූහිකය විසින් ශ්‍රී ලාංකීය දැන්වීම් ක්ෂේත්‍ර වෘත්තිකයන්ගේ වෘත්තීය කුසලතා ජාත්‍යන්තර තරගකාරී වෙළෙඳපොළට ගැළපෙන ආකාරයෙන් ඔප්නැංවීමේ අරමුණෙන් යුතුව යුනිලිවර් ශ්‍රී ලංකා සවිබල ගැන්වීමෙන් සහ ශ්‍රී ලංකන් එයාලයින්ස් ජාත්‍යන්තර සම්බන්ධීකරණයෙන් Four A’s Advertising Festival අධ්‍යාපනික උළෙල සංවිධානය කිරීමට නියමිතයි.

මැයි මස 30 සහ 31 දෙදින පුරා කොළඹ ටාජ් සමුද්‍රා හෝටලයේදී සංවිධානය කෙරෙන Four A’s Advertising Festival හීදී නිර්මාණාත්මක පරිකල්පනය, නව සංකල්ප ගොඩනැගීම, නව්‍යකරණය යනාදී ක්ෂේත්‍ර රැසක් සම්බන්ධයෙන් දෙස් විදෙස් කීර්තිමත් විද්වත් වෘත්තිකයන්ගේ දේශන හා සමූහ සාකච්ඡා, ප්‍රායෝගික පුහුණු වැඩමුළු පැවැත්වෙන අතර,වසර ගණනාවකට පසු ශ්‍රී ලාංකීය දැන්වීම්කරණ ක්ෂේත්‍රයේ දක්ෂ වෘත්තිකයන් දිරිගන්වමින් සම්මාන පිරිනැමීමක් ද සිදුකෙරෙනවා.

Four A’s Advertising Festival අධ්‍යාපනික උළෙල වර්ණවත් කිරීමෙහිලා ආරාධිත දේශකයන් ලෙස Publicis Groupe South – East Asia හි ප්‍රධාන විධායක නිලධාරී අජේ වික්‍රම්, TBWA Singapore හි විධායක අධ්‍යක්ෂ (නිර්මාණාත්මක) අශීන් නායිදු, Vexology Advertising Dubai හි ස්වාධීන නිර්මාණ හා උපායමාර්ගික උපදේශක අසාම් කලීද්, BBDO Singapore හි නිර්මාණ පිළිබඳ
සභාපති ගුආන් හින් ටේ, VMLY&R Mumbai ජේෂ්ඨ නිර්මාණ අධ්‍යක්ෂ මහේෂ් අම්බාලියා, Saatchi & Saatchi Sydney හි ප්‍රධාන නිර්මාණ නිලධාරී මැන්ඩි වෑන් ඩේ මර්වේ, Media Arts Lab APAC, Singapore හි කළමනාකාර අධ්‍යක්ෂ / උපායමාර්ග අංශ ප්‍රධානී මිචෙලා ෆුචර්, DDB Group Melbourne හි සමූහ විධායක නිර්මාණ අධ්‍යක්ෂ ප්සෙම්බි කිංග්ස්ටන්, Dentsu Creative India West and South Regions හි ප්‍රධාන නිර්මාණ නිලධාරී සර්ජෝ දත් සහ Ogilvy, Pakistan හි ප්‍රධාන විධායක නිර්මාණ අධ්‍යක්ෂ සෙහ්රා සයිඩි යන ජාත්‍යන්තර කීර්තිමත් විදෙස් වෘත්තිකයන් සහභාගී වීමට නියමිතයි.

Four A’s Advertising Festival අධ්‍යාපනික උළෙල සංවිධායක මණ්ඩලය වෙනුවෙන් අදහස් දැක්වූ Four A’s දැන්වීම් ආයතන සාමූහිකයේ සභාපති ඇලන් ලෝපේස් මහතා “ශ්‍රී ලංකාවේ දැන්වීම් ක්ෂේත්‍රයට මෙය ඉතා වටිනා සුවිශාල අවස්ථාවක්. අපේ රට ආසියානු පැසිෆික් කලාපයේ නිර්මාණශීලීත්වයෙන් ප්‍රමුඛ කේන්ද්‍රස්ථානය බවට පත්කිරීමේ අරමුණ ඇතිව දැන්වීම්

ලෝකයේ දැවැන්තයන්ගේ වෘත්තීය අත්දැකීම් ශ්‍රී ලාංකික දැන්වීම් වෘත්තිකයන් සමග හුවමාරු කරගැනීමට පහසුකම් සැපයීම මෙහිදී සිදු කෙරෙනවා.” යැයි පැවසීය.

Four A’s මාණ්ඩලික අධ්‍යක්ෂ සහ Four A’s Advertising Festival උළෙලේ සම අධ්‍යක්ෂ දිල්ශාර ජයමාන්න මහතා අදහස් දක්වමින් “AI තාක්ෂණයේ ආගමනයත්, ආර්ථිකමය අභියෝගකාරී තත්ත්වයත් ඇතුළුව ගෝලීය වශයෙන් නිරන්තරයෙන් එල්ලවෙන අභියෝගවලට සාර්ථකව මුහුණ දිය හැකි ශක්තිමත් ශ්‍රී ලාංකික දැන්වීම් වෘත්තිකයන් පිරිසක් ගොඩනගාගැනීම
වෙනුවෙන් ජාත්‍යන්තර ප්‍රමිතියේ පුහුණු හා සංවර්ධන වැඩසටහනක අවශ්‍යතාවය මතුව තිබෙන මොහොතකයි අප Four A’s Advertising Festival සංවිධානය කරන්නේ දින දෙකකින් අවසන් වන වැඩසටහනක් වුනත් මේ වැඩසටහනේදී සිදුවන දැනුම හා අත්දැකීම් හුවමාරුවේ සාධනීය බලපෑම් ශ්‍රී ලාංකීය දැන්වීම් ක්ෂේත්‍රයේ සංවර්ධනයට දීර්ඝකාලීනව බලපවත්වනවා.” යැයි පැවසීය.

Four A’s උපසභාපති සහ Four A’s Advertising Festival උළෙලේ සම අධ්‍යක්ෂිකා සෙලෝනිකා පෙරුමාල් මහත්මිය අදහස් දක්වමින් “මෙය හුදු නිර්මාණාත්මක කුසලතා වැඩිදියුණු කරන අධ්‍යාපනික වැඩසටහනක් විතරක්ම නෙමෙයි, විවිධ සංස්කෘතීන්ට අයත් විද්වතුන් රැසකගෙ එකිනෙකට වෙනස් අදහස් හා අත්දැකීම් අපේ රටේ සංස්කෘතියට ගැලපෙන ආකාරයට නිර්මාණශීලී ලෙස යොදාගැනීමට ලැබෙන දැනුම් සම්භාරයක්. මෙයට සහභාගී වෙන අපේ දැන්වීම් වෘත්තිකයන්ට ලෝකයට ගැලපෙන විදිහට දේශීයව හිතන්න ” යැයි පැවසීය.

Four A’s Advertising Festival ගැන:
Four A’s Advertising Festival යනු ශ්‍රී ලාංකීය දැන්වීම් නිර්මාණ ක්ෂේත්‍රයේ වෘත්තිකයන්ට දැන්වීම් ක්ෂේත්‍රයේ නව මානයන් පිළිබඳ ඉගෙනීමට, එකම ක්ෂේත්‍රයක වෘත්තිකයන් වශයෙන් එකිනෙකා සමග සම්බන්ධ වීමට මෙන්ම තම වෘත්තීය දක්ෂතා ඇගයීමකට ලක්කොට සම්මානයට පාත්‍රවීමෙහිලා අවස්ථාව හිමිවෙන විචිත්‍රවත් ශ්‍රී ලාංකීය උළෙලකි.පාරිභෝගිකයන් හා ගනුදෙනුකාරභවතුන් විෂයෙහිලා හිතෛෂී ආකාරයෙන් ශ්‍රී ලාංකීය දැන්වීම්කරණ හා අලෙවිකරණ ක්ෂේත්‍රයේ ප්‍රමිතිගත තත්ත්වයක් පවත්වාගෙන යාමෙහිලා මෙහිදී සිදුකෙරෙන දැනුම හුවමාරුව වැදගත් මෙහෙවරක් ඉටුකරනු ලබයි.

Sri News Media

LEAVE A REPLY

Please enter your comment!
Please enter your name here