තවමත් නොදියුණු පැපුවා නිව් ගිනියාව ගැන තොරතුරු දැනගනිමු – Sri News

0
6

පැපුවා නිව් ගිනියාව පිහිටා ඇත්තේ ඕස්​ට්‍රේලියාවට උඩිනි. ගිනියාව කියන මහා විසාල දූපතෙන් බාගයක් ඉන්දුනීසියාවට අයිති වන අතර ඉතුරු බාගය පැපුවා නිව් ගිනියාව සතුය. මේ අපූරු රට ඔස්ට්‍රේලියාව වැනි සංවර්ධිත දේශයකට ලංව පිහිටියත් තවමත් නොදියුණු තත්ත්වයේ ඇති රටකි. ගෝත්‍රික කණ්ඩායම් අටෝ රාශියක් දිවි ගෙවන පැපුවා නිව් ගිනියා ​රටේ ස්වදේශීය භාෂාවන් පමණක් 700ක් පමණ කතා කරන විවිධ ගෝත්‍රික කණ්ඩායම් සිටිති. සංස්කෘතික විවිධත්වය අතින් අපූරු මේ දේශයට සංචාරකයින් ලෙස පිවිසිය හැක්කේද එක්තරා සීමිත වූ කලාපයකට පමණි.

 

පැපුවා නිව් ගිනියා රට වර්ග කිලෝමීටර 462,840ක් ලොකුය. එනම් ප්‍රමාණය අනුව ලංකාව මෙන් මේ පැපුවා නිව් ගිනියා රට හත් ගුණයක් විශාලය. මේ තරම් කුඩා ලංකා දිවයිනේ මිලියන 23කට අධික ජනගහ​ණයක් සිටී. ඒත් ලංකාවට මෙන් හත් ගුණයකටත් වඩා විසාල නිව් ගිනියා රටේ සිටින්නේ මිලියන 8ක ජනතාවක් පමණි. එහි පාවිච්චි වෙන මුදල් ඒකකය කිනාය. උපතේදී ආයු අපේක්ෂාව පිරිමින්ගේ වයස 63ක් වන අතර ගැහැණුන්ගේ එය අවුරුදු 68ක් වේ. ඉංග්‍රීසි භාෂාව ප්‍රධාන භාෂාවක් වන නමුදු ටොක් පිසින්, හිරි මොටු ආදී ස්වදේශික භාෂා රැසක් නිව් ගිනියානුවෝ භාවිතා කරති. ක්‍රිස්තියානි ආගම අදහන පිරිසක්ද සිටින නමුත් අනේකවි​ධ ආගම් අදහන ගෝත්‍රික කණ්ඩායම් බර තොගයක් පැපුවා නිව්ගිනියාවේ වාසය කරනවා.

 

අන්තර්ජාලයෙන් ​ලෝකේ කෙරවළවල් යා කරනවා යැයි කියන නමුත් පැපුවා නිව් ගිනියාවේ තාමත් වැඩි භාවිතය රේඩියෝය. සුව්ශාල මේ රටේ තවම රූපවාහිනී මාධ්‍යයවත් ජනප්‍රිය නැත. අන්තර්ජා​ල පහසුකම් ඇත්තේ මූලික නගරබද කලාපවල පමණි. කැලෑ සහ කඳුකර පළාත් තිබෙන නිසා විදුලි සංදේශ පහසුකම් සැපයීමට අපහසුය. ඇරත් නොදියුණු මට්ටමක සිටින ජනයාට අන්තර්ජාල මොබයිල් ෆෝන් වලට වඩා ඔවුන්ගේ එදිනෙදා ජීවිතය ගැටගසා ගැනීම වඩාත් වැදගත්ය.

 

1526 දී මේ දිවයිනට මුලින්ම ගොඩබට පෘතුගිසි නාවිකයෝ කැරලි කොණ්​ඩ සහිත ගෝත්‍රික මිනිස්සු ඉන්නවා දැකගත්​තා. ඉන් පසු ඒ පෘතුගිසි නාවිකයෝ කැරලි කොණ්​ඩ සහිත මිනිස්සු යන අර්ථයෙන් පෘතුගිසි භාෂාවෙන් ilhas dos Papuas යන නම තැබුවා. ඉන් පසු​ව 1546 දී ස්පාඤ්ඤකාරයෝ මෙහෙට එද්දි මේ පැපුවා දිවයිනේ ඔස්ට්‍රේලියා පැත්තේ කොටස​ට අප්‍රිකාවේ ගිනියාවෙන් කණ්ඩායම් ගෙනත් දමා තිබුනා. ඉතින් මේ අප්‍රිකානු ගිනියා ජාතිකයින්ගේ නව රට බවට මේ පැපුවා දේශය පත් වුනා. ඉන් පස්​සේ එය පැපුවා නිව් ගිනියාව ලෙස හැඳින්වුවා. මේ පැපුවා කියන මහා දිවයිනෙන් කොටසක් ඉන්දුනිසියාවටත් ඉතිරි කොටස ඕස්ට්‍රේලියා පාලනයටත් 1960 දශකයේදී බෙදා වෙන් කෙරුණා. පසුව 1973 දී පැපුවා නිව් ගිනියාව ඕස්ට්‍රේලියාවෙන් නිදහස් වෙලා නිදහස් රටක් බවට පත් වුනා.

 

පැපුවා නිව්ගිනියාව අයිති පැපුවා දිවයිනේ අනික් කොටස අයිති වෙන්නේ ඉන්දුනීසියාවට. මේ කලාපය තු​ළ භූමිකම්පා සහ ගිනිකඳු කියන්නේ සුල​භ ස්වාභාවික උවදුරක්. 2019 අගෝස්තු 3 වැනිදා පැපුවා නිව් ගිනියාවේ විදාරණය වුණු උලාවුන් ගිණිකන්දේ දුමාරය ඇතු​ළත් කළු වලාව කිලෝමීටර 19ක් තරම් උසට විහිදිලා තියෙනවා. පැපුවා නිව් ගිනියා රටේ මැද කඳුකරයක් තියෙනවා. රට තු​ළ අභ්‍යන්තර ප්‍රවාහනය දියුණු කරන්න පාරවල් හදන්න මේ කඳුකරය බාධාවක් වෙලා තියෙනවා. මේ කඳුකරයේ තියෙන ඇතැම් කඳු අදටත් ගිණිකඳු විදිහට විටින් විට සක්‍රිය වෙනවා.

 

Sri News Media

LEAVE A REPLY

Please enter your comment!
Please enter your name here