මෙරට සංචාරයක නිරත වී සිටින චීන කොමියුනිස්ට් පක්ෂයේ මධ්‍යම කාරක සභාවේ ජාත්‍යන්තර දෙපාර්තමේන්තුවේ (IDCPC) උප ඇමති සුන් හයියැන් (Sun Haiyan) මහත්මිය ඇතුළු චීන රජයේ දූත පිරිස සහ සමගි ජන බලවේගයේ නායක සජිත් ප්‍රේමදාස මහතා අතර හමුවක් පෙරේදා (නොවැම්බර් 26) පැවැත්වී තිබේ.
මේ අවස්ථාවට චීන දූත පිරිස නියෝජනය කරමින් චීන කොමියුනිස්ට් පක්ෂයේ මධ්‍යම කාරක සභාවේ ජාත්‍යන්තර දෙපාර්තමේන්තුවේ (IDCPC) උප ඇමති සුන් හයියැන් (Sun Haiyan) මහත්මිය, නියෝජ්‍ය අධ්‍යක්ෂ ජනරාල් Lin Tao මහතා, අධ්‍යක්ෂ Li Jinyan මහතා, නියෝජ්‍ය අධ්‍යක්ෂ Wen Jun මහත්මිය, නියෝජ්‍ය ඇමතිවරයාගේ ලේකම් Jin Yan මහත්මිය සහ භාෂා පරිවර්තක ලෙස කටයුතු කරන Zhang Guyu මහතා ද එක්ව සිටියහ.
චීනය සහ ශ්‍රී ලංකාව අතර සියවස් ගණනාවක් පුරා පවතින මිත්‍රත්වය ඉදිරියටත් පවත්වාගෙන යාම කෙරෙහි අවධානය යොමු කළ සජිත් ප්‍රේමදාස මහතා පවතින බංකොලොත්භාවයෙන් ශ්‍රී ලංකාව මිදීම සඳහා අවශ්‍ය සහයෝගය සහ මැදිහත්වීම ඉදිරියටත් ලබා දෙන ලෙස චීන දූත පිරිසගෙන් ඉල්ලා සිටියේය.
මේ අවස්ථාව සඳහා සමගි ජන බලවේගය නියෝජන කරමින් එහි නායක විපක්ෂ නායක සජිත් ප්‍රේමදාස මහතා සමග හර්ෂණ රාජකරුණා, කාවින්ද ජයවර්ධන, එස්. එම්. මරික්කාර් සහ ගයන්ත කරුණාතිලක යන මන්ත්‍රීවරුන් ද රත්නායක අබේරත්න සහ සහන් කිරින්දගේ මහතා ද එක්ව සිටියහ.
Sri News Media
