කෙල්ලෙක් වුනහම නිදාගන්න කලින් කරන්න වුවමනා දේවල් කීපයක්! – Sri News

0
4

අපි කලිනුත් කිව්වා කොල්ලෙක් වුනහම නිදාගන්න කලින් කරන්නේ මොනවද කියලා. ඒ කියන්නේ චූ කරලා නිදාගන්න එකට අමතරව දවස සැලසුම් කිරීම වගේ නොයෙකුත් දේවල් තියෙනවා කොල්ලෙක්ට කරන්න. හැබැයි ඒ දේවල් ඒ විදියටම කෙල්ලෙක්ටත් කරන්න පුළුවන් සහ කෙල්ලෙක් වුනත් කළ යුතුයි. දත් මදින එකට හරි හෙට දවස සැලසුම් කරන එකට හරි ලිංග භේදයක් නැහැනේ! හැබැයි අපි මේ කියන්නේ ඒවා ගැන නෙවෙයි. ඕන කෙල්ලෙක් නිදාගන්න කලින් කරන්න වුවමනා වඩාත් වෙනස් දේවල් කීපයක් ගැන. හැබැයි මේ කරුණුවලත් තියෙන ෆන් එක තමයි, මේවා කොල්ලෙක්ට වුනත් කරන්න පුළුවන් වීම!

 

නිදාගන්න ගිහිල්ලත් ඉන්ස්ටග්‍රෑම් ගිහිල්ලා ටික් ටොක් වීඩියෝ බලන, සෙලිබ්‍රිටීස්ලගේ ෆොටෝස් බලන එක දැන් දැන් ගොඩක් ගෑණු ළමයින්ගේ පුරුද්දක් වෙලා කියලා සමහරු කියනවා. තව සමහරු ඇඳට ගිහිල්ලත් ෆේස්බුක් එකේ චැට් කරනවා. ඒකේ ඇත්ත බොරු කොහොම වුනත්, ගොඩක් දෙනෙක් ඇඳට යන්නෙත් ස්මාට්ෆෝන් එක අතේ අරගෙන කියන එක බොරුවක් නෙවෙයි. සමහරු ඇඳට ගිහිල්ලා ඔය මොකක්වත් නොකළත්, මලක් හරි කඩනවා.

අපි කියන්නේ ඔය එක දෙයක්වත් කරන්න එපා කියලා. නිදාගන්නේ එකොළහට නම් දහය වෙනකොට ෆෝන් එක ඕෆ් කරන්න. නැතිනම් එයාර්ප්ලේන් මෝඩ් දාලා තියන්න. කොටින්ම කියනවා නම් නිදාගන්න පැයකට කලින් අයින් කරන ෆෝන් එක ආයෙමත් උදේ වෙනකල් අතට ගන්න එපා!

 

කොල්ලන්ගෙ ආටිකල් එකේ අපි කිවුවනේ නිදිමත එනකල් කරන්න පුළුවන් දේවල්. ඊට අමතරව පොඩි ඩයරියක් හරි සටහන් පොතක් හරි අරගෙන හිතට එන එන දේවල් ලියන්නත් පුළුවන්. ඒවා ලස්සන, නිර්මාණාත්මක ලියවිලි වෙන්න ඕන නෑ. මොනවා හරි දෙයක් ලියවෙන්න තමයි ඕන. ඒ ලියන දේවල් කාටවත් පෙන්නන්නවත් වුවමනා නැහැ. හැබැයි එහෙම ලියනකොට තේරෙයි ඒක මොන තරම් භාව විරේචකයක්ද කියලා. බොහොම සැහැල්ලුවෙන් නිදාගන්නත් පුළුවන් වෙයි එහෙම ලිව්වට පස්සේ.

 

මේකත් ගැහැණු පිරිමි දෙගොල්ලන්ටම අදාළයි. සමහරුන්ට තියෙන පුරුද්දක් තමයි නින්දට යන්න කලින් තේ එකක් හරි කෝපි එකක් හරි බොන එක. අන්න ඒක සුවබර නින්දකට කිසිසේත්ම හිතකර නෑ. ඒවා විතරක් නෙවෙයි, ඔය එනර්ජි ඩ්‍රින්ක්ස්, සෝඩා වර්ග ඇතුළු ඕනෑම බීමක් නිදාගන්න යන්න පැය කීපයක් ඇතුළතදී ගන්න හොඳ නැහැ. අපිට බය නැතුව නිදාගන්න කලින් ගන්න කියලා රෙකමන්ඩ් කරන්න පුළුවන් වෙන්නේ වතුර විතරයි.

ඇත්තටම කෝපි එහෙම බොන්න ඕන නම් අපි රෙකමන්ඩ් කරන්නේ දවසට දෙපාරක් තමයි. උදේ වරුවේ එකක් බිව්වොත් හවස් වරුවේ තව එකක්. ඊට පස්සේ රෑට කැෆීන් අඩංගු කිසිම දෙයක් නොබී ඉන්න එක තමයි ඇඟට ගුණ.

රෑ වෙලා නාන්න එපා කියලා කියනවනේ. ඒකේ ඇත්තක් තියෙනවා. විශේෂයෙන්ම සෙම් අමාරු, පීනස වගේ දේවල් එන්න පුළුවන් අයට රෑට නාන එක කොහෙත්ම හොඳ නෑ. හැබැයි රෑට නිදාගන්න කලින් ඇඟපත හෝදගන්න එක බොහොම හොඳ පුරුද්දක්. ඒකේ සෞඛ්‍යමය වාසිත් තියෙනවා. ඊටත් වඩා රෑට ඇඟපත හෝදගත්තට පස්සේ ඇඟ සිහිල් වෙන ක්‍රියාවලිය නින්දට එහෙම බොහොම හිතකරයි.

 

මේකත් කොණ්ඩේ වවලා ඉන්න ගෑණු ළමයින්ට ඉස්සර අම්මලා කරන්න කියන දෙයක්. ඒ තමයි කොණ්ඩේ හොඳට පීරලා එක කරලකට හරි කරල් දෙකකට හරි ගොතන එක. ඒකේ තියෙන සෞඛ්‍යමය වාසියක් ගැන නම් අපි කියන්න දන්නෙ නෑ. ඒත් ඉස්සර කාලේ ආච්චිලා අම්මලා කියනවා එහෙම කරන්න කියලා. හැබැයි එහෙම කොණ්ඩේ ගෙතුවත් නැතත්, දිග කොණ්ඩයක් තිබුණත් කොට කොණ්ඩයක් තිබුණත්, කොණ්ඩේ හොඳට පීරන එක නම් හොඳ පුරුද්දක්. ඒකෙන් හිස් කබලට හොඳ මසාජ් එකක් හම්බුවෙන එක විතරක් නෙවෙයි, කොණ්ඩේ සෞඛ්‍ය සම්පන්න බවටත් හොඳයි.

Sri News Media

LEAVE A REPLY

Please enter your comment!
Please enter your name here