Google search engine
Home ගොසිප් පුවත් කුළු මීමෙක් පහ­රදී කරා­පි­ටිය ශික්ෂණ රෝහලේ ප්‍රති­කාර ලබ­මින් සිටි අයෙක් මියගිිහින්

කුළු මීමෙක් පහ­රදී කරා­පි­ටිය ශික්ෂණ රෝහලේ ප්‍රති­කාර ලබ­මින් සිටි අයෙක් මියගිිහින්

0
10

Little-Mima-karapitiya

“මහ­ත්තයා මට කිව්වා යාල කැලේදී කුළු මීමෙක් පිටි­ප­ස්සෙන් ඇවිත් එයාට ඇන්නා කියලා. පළමු දවසේ අපිත් එක්ක කතා කළත් පස්සේ සිහි නැති වුණා.” යැයි යාල වනා­න්ත­රයේ දී කුළු මීමෙක් ඇනී­මෙන් තුවාල ලබා කරා­පි­ටිය ශික්ෂණ රෝහලේ දී මිය­ගිය ජාතුංග ගුණ­ව­ර්ධන උපුල් ජයන්ත (58) නමැති තිදරු පියාගේ මරණ පරී­ක්ෂ­ණයේ දී සාක්ෂි දුන් ඔහුගේ බිරිය පවසා සිටි­යේය.

මෙම මරණ පරී­ක්ෂ­ණය ඉකුත් 24 වැනිදා කරා­පි­ටිය ශික්ෂණ රෝහලේ දී හදිසි මරණ පරී­ක්ෂක මහේෂ් ධර්ම­රත්න මහතා විසින් සිදු­ක­රණ ලදි.

මිය­ගිය තැනැත්තා හම්බ­න්තොට, මාගම ප්‍රදේ­ශයේ පදිං­චි­ක­රු­වෙකි. ගව පට්ටි­යක හිමි­ක­රු­වකු වන ඔහු සෑම දින­කම උදෑ­සන ගව­යන් යාල වනා­න්ත­ර­යට ගෙන­ගොස් පසුව සවස ගව­යින් රැගෙන ගව පට්ටි­යට පැමි­ණෙයි.

හදිසි මරණ පරී­ක්ෂ­ණයේ දී සාක්ෂි ලබා­දුන් 47 හැවි­රිදි අම­ර­සිංහ ආර­ච්චිගේ ප්‍රියං­ගිකා සුද­ර්ශනී මහ­ත්මිය මෙසේ ද පවසා සිටි­යේය.

“මිය­ගොස් සිටින්නේ මගේ සැමියා. එයා හැම­දාම කිරි දොවලා තියලා හරක් රංචුව අර­ගෙන යතු­රු­පැ­දි­යෙන් යාල කැලේට යනවා. හරක් දිගේලි කරලා නැවත සවස ගිහින් එක්ක­ගෙන එනවා. මේ විදි­යට හරක් අර­ගෙන කැලේට යන තව අය ඉන්නවා. පසු­ගිය මැයි 19 වැනිදා උදේ පුරුදු විදි­ය­ටම එයා හරක් රංචු­වත් එක්ක කැලේට ගියා. එයා ගිහින් පැය­කින් විතර මට කෝල් එකක් ආවා. කතා කරපු කෙනා කිව්වා මහ­ත්ත­යාගේ පිටි­ප­ස්සෙන් කුළු මීමෙක් ඇවිත් ඇනලා වැටිලා ඉඳලා යාල සෆාරි ජීප් එක­කින් දැකලා තිස්ස­ම­හා­රාම රෝහ­ලට අර­ගෙන ගිහින් කියලා. මම රෝහ­ලට යන­විට සැමි­යාගේ කකු­ළ­ටත් ගොඩක් තුවාල වෙලා තිබුණා.

බඩෙත් තුවාල තිබුණා. එදා රෝහලේ දී මහ­ත්තයා මාත් එක්ක කතා කළා. පොලි­සි­ය­ටත් කට­උ­ත්ත­ර­යක් දුන්නා. ඒත් පසුව ටික ටික අමාරු වෙලා සිහි නැති වුණා. එතැ­නින් කරා­පි­ටිය රෝහ­ලට මාරු කරලා එව්වා. කරා­පි­ටියේ දැඩි සත්කාර ඒක­කයේ හිටියේ. එයාට දිය­වැ­ඩි­යාව තියෙ­නවා.

වෛද්‍ය­වරු කිව්වා කකුල කපා ඉව­ත්ක­රන්න වෙනවා කියලා. කරා­පි­ටිය රෝහලේ දී සැත්ක­ම­කින් සැමි­යාගේ වම් කකුල කැපුවා. ඉකුත් 24 වැනිදා උදේ මම මහ­ත්තයා බලන්න එන­කොට දැන­ගත්තා මිය­ගි­හින් කියලා.”

මෙම මර­ණය සම්බ­න්ධ­යෙන් පශ්චාත් මරණ පරී­ක්ෂ­ණය සිදු කළ අධි­ක­රණ වෛද්‍ය නිල­ධාරී විෂාදි පෙරේරා මහ­ත්මි­යගේ වාර්තාව සහ ඉදි­රි­පත් වූ සාක්ෂි සැළ­කි­ල්ලට ගත් හදිසි මරණ පරී­ක්ෂක මහේෂ් ධර්ම­රත්න මහතා තීර­ණය කළේ කුළු මීමා ඇනී­මෙන් පෙණ­හැ­ල්ලට තුවාල සිදු­වීම සහ ඇති වූ බහු­විධ තුවාල හේතු­වෙන් මර­ණය සිදුව ඇති බවයි. මිය­ගිය පුද්ග­ල­යාට නිව්මෝ­නියා තත්ත්ව­යක් ද ඇති වී තිබූ බව පශ්චාත් මරණ පරී­ක්ෂ­ණයේ දී අනා­ව­ර­ණය වී තිබිණි.

(කරා­පි­ටිය එස්. ලොකු­ක­ර­විට)

Sri News

LEAVE A REPLY

Please enter your comment!
Please enter your name here