ඔයාටත් සෝෂල් මීඩියා වල තියෙන්නේ දිව දෙකේ ස්ටෑන්ඩර්ඩ්ස් ද? – Sri News

0
6

දැන් ඔය සෝෂල් මීඩියා වල එක එක ආකාරේ ජීවියෝ ඉන්නවා කියලා අපි කලිනුත් කතා කරලා තියෙනවනේ. ඇත්තටම කිව්වොත් ඉතින් ලෝකේ අනික් හැමතැනකම වගේ සෝෂල් මිඩීයා වල ඉන්නෙත් මිනිස්සු. ඒ මිනිස්සුන් අතරේ ඉන්න මැටි වහන්සේලා ඉතින් ෆේස්බුක් ආවා කියලා ප්‍රාඥයෝ වෙන්නෙ නෑ. උන් ෆේස්බුක් එකෙත් හාන එක තමා කරන්නේ. කොහොම හරි, දැන් ඔය ෆේස්බුක් එක ඇතුළු සමාජ මාධ්‍ය ගත්තොත් අපිට එක වෙලාවකට බලන්න පුළුවන් බොහෝම ඉන්ටරෙස්ටින්ග් දිව දෙකේ ස්ටෑන්ඩර්ඩ්ස්. ඒ කියන්නේ මේ එකක් කියලා, ඊලඟ මොහොතේ ඒ කිව්ව එකටම ප්‍රතිවිරුද්ධ දේත් කිසිම අවුලක් නැතුව කියන්න පුළුවන්. ඒ විතරක් නෙවෙයි, දැන් කියන දේට ප්‍රතිවිරුද්ධ දේ වුණත් කිසි අවුලක් නැතුව විස්වාස කරන්න පුළුවන්. පිස්සු වගේ නේ!

 

ඉතින් අපි හිතුවා ආන්න ඒ විදියේ සෝෂල් මීඩියා දිව දෙකේ කතන්දර ටිකක් ඉදිරිපත් කරන්න. අඩු තරමින් එකෙක් දෙන්නෙක්ට හරි ඥාණාවලෝකය පහළවෙලා හැදෙයිනේ!

 

මේක ඉතින් මේ දවස් වල හොට් නිව්ස් එකනේ. ලොරි ඩ්‍රයිවර් කෙනෙක් අතින් සිදුවෙන හදිසි අනතුරකින් පොලිස් නිලධාරියෙක්ට තුවාල වෙනවා. ඊට පස්සේ එතන ඉන්න තව ට්‍රැෆික් පොලිස් රාළහාමි කෙනෙක් අර ලොරි ඩ්‍රයිවර්ව බිම පෙරළලා, ජෝන් සීනා වගේ බූට් දාපු සපත්තු එක්ක අර ඩ්‍රයිවර්ගේ ඇඟට පනිනවා!

දැන් මිනිස්සු මෙතනදී පොදුවේ බණින්නේ ගොඩක් දුරට පොලිස් රාළහාමිට. ඔව්, පොලිස් රාළහාමි කරන්නේ වැරැද්දක් කියලා අපිට බැලූ බැල්මටමත් පේනවා. ලොරි ඩ්‍රයිවර් අතේ සම්පූර්ණ වැරැද්ද වෙන්න පුළුවන්. හැබැයි එහෙම වුණත් පොලිසිය ඩ්‍රයිවර්ට එරෙහිව වැඩ කරන්න ඕන නීති මගින් මිසක් මැරකමෙන් නෙවෙයි.

හැබැයි ආතල් එක මේකයි. දැන් මේ වෙලාවේ පොලිස් රාළහාමිට බණින, “ඕකව ලොරියකට යට කරන්න තියෙන්නේ” කියන උන්දැලට පොඩ්ඩක් අමතක වෙනවා, මෙතන ඇත්තටම ලොරියකට යට වුණු අනතුරක් තමයි වෙලා තියෙන්නේ කියන එක. 

තව සමහරු රෙස්ලින් රාළහාමි එහෙම ක්‍රියා කළේ එයත් මනුස්සයෙක් හින්දා, සහෝදර නිලධාරියෙක්ව දරුණු විදියට අනතුරකට ලක් කරපු හින්දා කියලා ඒක සාධාරණීකරණය කරනවා. ඔන්න ඔය උන්දැලම තමයි තමන්ට පාට් එකක් දාපු පොලිස් රාළහාමි කෙනෙක්ව ටිපර් එකකට යට වෙන්න ඕන කියලා හෙණ ඉල්ලන්නෙත්. හෙනම උභතෝකෝටිකයි නේද පිංවතුනි?

 

ඔන්න නම ගියපු අපරාධකාරයෙක් කරපු මිනීමැරුම් අපරාධ ගැන සෑහෙන්න හාහෝවක් යනවා. අම්මෝ ඉතින් එතකොට මිනිස්සු බණින බැනිල්ල ගැන ආයෙ අමුතුවෙන් කියන්න ඕන නැහැනේ. ඔය අතරේ දරුණු සාප කිරීම් එහෙමත් තියෙනවා. ගොඩක් දෙනෙක්ගේ ෆේවරිට් සාප කිරිල්ලක් තමයි “ඕකා ඊලඟ ආත්මේ අංගවිකල වෙලා ඉපදෙන්න ඕන” කියන එක. ඉතින් මේ නම ගියපු අපරාධකාරයාට සාප කරන්නෙත් එහෙම තමයි ගොඩක් දෙනා!

ඔන්න ඊට කාලෙකට පස්සේ තව ෆොටෝ එකක් ෂෙයාර් වෙනවා ෆේස්බුක් එකේ. උපතින්ම යම් යම් ආබාධ එක්ක ඉපදුණු දරුවෙක්. අනේ ඉතින් අර සාප ඉල්ලපු සෙට් එකම මේ ෆොටෝ එකට කමෙන්ට් කරනවා “සුවපත් වේවා චූටි පුතේ” කියලා! හැබෑට ඔය ඉන්නේ අර කලින් සාප වලටම මැරිලා ගිහින් ආයෙ සාපෙ පළදීලා ඉපදුණු අර අපරාධකාරයාම වෙන්ඩ බැරිද?

 

Sri News Media

LEAVE A REPLY

Please enter your comment!
Please enter your name here