උතුරේ ද ක්‍රියාත්මක වෙන්නේ පවුල් දේශපාලනය පමණයි – අරුන් සිද්ධාර් | Sri News

0
18

රට තුළ ජාතිවාදය, සහ ආගම් වාදය ඇති කරනු ලබන්නේ දේශපාලඥයන් විසින් බවත් මේ වන විට සිය දේශපාලන වාසි තකා එය කුලවාදය දක්වා ගෙන ඒමට කටයුතු කර ඇති බවත් ඓතිහාසික මිහින්තලා රජමහා විහාරාධිපති පූජ්‍ය ආචාර්ය වලවාහැංගුනවැවේ ධම්මරතන නායක හිමියන් පවසනවා.

එමෙන්ම රට තුළ ඇති කරන ජාතිවාදයට එකම විසඳුම සිංහල හා දමිළ භාෂාව සියලු පාසල්වල ඉගැන්වීම බව ද නායක හිමියන් සඳහන් කළා.

නායක හිමියන් මේ බව කියා සිටියේ,යාපනය සිවිල් සංවිධාන කේන්ද්‍රයේ සභාපති අරුන් සිද්ධාර් වෙත රටේ පවතින ආර්ථික සහ දේශපාලනය පිළිබඳව අදහස් දක්වමිනි.

යාපනය සිවිල් සංවිධාන කේන්ද්‍රයේ මගින් යෝජනා කර ඇති ඉදිරි දේශපාලන වැඩපිළිවෙල පිළිබඳව දැනුවත් කිරීම සඳහා අරුන් සිද්ධාර්ථ අද (13) පස්වරුවේ දී ඓතිහාසික මිහින්තලා රජමහා විහාරාධිපති හිමියන්ව බැහැදැක එම ඉදිරි දේශපාලන යෝජනාවලිය නායක හිමියන් වෙත භාරදීම සිදුකළා.

අරුන් සිද්ධාර්ථ ද නායක හිමියන් වෙත කියා සිටියේ, දකුණේ මෙන්ම උතුරේ ද දේශපාලනය ක්‍රියාත්මක වන්නේ එකම පවුල් කීපයක් තුළ පමණක් බවය.

වයස අවුරුදු හැට ඉක්මවූ දේශපාලනඥයන් ඉවත්ව රටේ සිටින දක්ෂ සහ නිර්මාණශීලී තරුණ පරපුර වෙත රට භාරදිය යුතු බවත් නිදහසින් පසුව මිහිඳු මහරහතන් වහන්සේගේ දහම කිසිදු නායකයෙකු පිළි නොගන්නා බවත් නායක හිමියන් පැවසූවා.

ජනතාව බලාපොරොත්තු වන විමුක්තිය 1948 සිට මේ දක්වා කිසිදු පාලකයෙකු ළඟ නොතිබෙන බැවින් තවදුරටත් කිසිවකු රැවටිය යුතු නැති බවත් නායක හිමියන් පවසනවා.

එල්ටීටී සංවිධානය සහ ජාතික ජන බලවේගය යන කණ්ඩායම් දෙකම එකම පිරිසක් බවත් ඉන්දියාවට ප්‍රසිද්ධියේ බැන බැන ඔවුන් සමග සම්බන්ධතා පවත්වන බවත් ජාතික ජන බලවේගය සිදු කළ යුත්තේ මර්දනකාරී වැඩපිළිවෙල ක්‍රියාත්මක කිරීම වෙනුවට අන් අයගේ අදහස් වලට ද අවස්ථාව ලබාදීම බවත් අරුන් සිද්ධාර්ථ පවසනවා.

වසර තිහක් පුරා පැවති උතුරේ යුද්ධය සඳහා ඩොලර් බිලියන දෙසීයක මුදලක් රටේ මුදල් වැය වී ඇති බවත් ඒ සඳහා රටේ දේශපාලනඥයන් වගකිව යුතු බවත් ඔහු කියා සිටියා.



Sri News

LEAVE A REPLY

Please enter your comment!
Please enter your name here