ආදරේ පෙන්නලා කලිසමත් ගලවගෙන යන්න එන ගෝල්ඩ් ඩිගර් තාලේ කෙල්ලන්ව අඳුනාගන්නේ මෙහෙමයි! – Sri News

0
5

අහලා තියෙනවද ගෝල්ඩ් ඩිගර්ස්ලා ගැන? නෑ, ඔය කියන්නේ ඇලස්කා වල රත්තරං හාරන්න යන කෙල්ලෝ ගැන නෙවෙයි. සරලවම කිවුවොත් පිරිමියෙක්ගෙන් සල්ලි හරි තෑගි බෝග හරි ඩැහැගැනීමේ පරම අපේක්ෂාවෙන් -කොටින්ම කියනවා නම් රිදෙන්නම දත ගලවන අපේක්ෂාවෙන්- සම්බන්ධකම්/හාදකම් ඇතිකරගන්න කෙල්ලොන්ට තමයි ඔය නම කියන්නේ. දැන් සමහර සල්ලිකාර කොල්ලෝ ඉන්නවා, උන්ට ගෝල්ඩ් ඩිගර් කෙනෙක්ට වියදම් කළා කියලා අවුලක් නෑ. උන් ඒක දැනගෙන කරන්නේ, ඒකට හිලව්වට හම්බුවෙන සෙක්ස් හරි ආශ්‍රය හරි ගැන හිතලා. එහෙම සල්ලිකාර කොල්ලන්ට නෙවෙයි මේ ආටිකල් එක. හැබැයි අපි වගේ සල්ලිකාර නොවෙන කොල්ලෙක් ගෝල්ඩ් ඩිගර් කෙනෙක්ට අහුවෙනවා කියන්නේ විනාසයක් තමයි. අන්තිමට හිතත් කැඩිලා, පර්ස් එකටත් තට්ටු වෙලා පාරේ නවතින්නත් පුළුවන්!

ඇත්තටම එහෙම ලොකු එකෙන්ම කිවුවට, අපිට එදිනෙදා මුණගැහෙන ගොඩක් දත ගලවන කෙල්ලෝ එහෙමට විනාසකාරී නෑ. ඕන නං මල් කඩන එකේ හිලව්වට දවසකට එක රීලෝඩ් එකක් දාන්න වෙයි. හැබැයි ඉතින් ඇත්තටම මෙතන තියෙන ප්‍රශ්නේ වෙන්නේ ඔය රීලෝඩ් වලට, තෑගි බෝග වලට, හදිසියට ගන්න අතමාරු වලට යන්නේ තමන්ගේ සල්ලිනේ කියන එකම නෙවෙයි. ඒකත් එක්කම මේ වගේ සම්බන්ධතාවයක ඇත්තටම ආදරයක්, කොල්ලා ගැන තැකීමක්, ලෙංගතුකමක් නැති නිසාම, සම්බන්ධතාවය හුටස් වෙන්න තියෙන ඉඩ ඉතාම වැඩියි. එතකොට ඒ හිත් වේදනාවත් කොල්ලා දරාගන්න එපැයි. ආන්න ඒ නිසා හොඳම දේ තමයි, දත ගලවන විදියේ, ගෝල්ඩ් ඩිගර් ජාතියේ කෙල්ලෙක් ඈත තියා එනකොටම අඳුනගන්න එක. ආන්න ඒකට උපදෙස් තමයි මේ.

 

මේක ඇත්තටම ගෝල්ඩ් ඩිගින් වල බොහොම ප්‍රාථමික අවධියක්. ඒ නිසාම ලොකුවට හිත කරදර කරගන්න ඕනැත් නෑ. දැන් මෙහෙමයි වෙන්නේ. ඔන්න අපි කියමු ගර්ල්ෆ්‍රෙන්ඩ් හදිසි අවස්ථාවකදී තමන්ගේ ෆෝන් එකේ බිල ගෙවන්න පුළුවන්ද, රීලෝඩ් එකක් දාන්න පුළුවන්ද කියල අහනවා කියලා. ඒක ඉතාම සාමාන්‍ය තත්ත්වයක්. කපල් එකක් කියන්නේ එහෙම තමයි, දෙන්නට දෙන්නා උදවු කරගන්න ඕන. හැබැයි ඉතින් අයියා බබාට නංගි බබා හැමදාමත් රීලෝඩ් දාන්න කියනවා නම්, ආන්න ඒක දත ගලවන තත්ත්වයක් තමයි. ඒ වගේම මේකේ තව විශේෂත්වයක් තියෙනවා. අයියා බබා රෝල ගහගෙන නංගියාට රීලෝඩ් දැම්මත්, නංගියා නෙවෙයි මළාට කෝල් එකක් ගන්නේ. රීලෝඩ් එකක් දාන්න පුළුවන්ද කියල අහන්නත් මිස් කෝල් එකක් තමයි ගහන්නේ!

 

ආදරේ කරන කෙල්ලව ෂොපින් එක්කරගෙන යන්න, එයාට ආස කරන ඇඳුමක් පැළඳුමක් අරගෙන දෙන්න ඕනම ආදරණීය කොල්ලෙක් ආසයි. හැබැයි ඉතින් මේ ෂොපින් කෙරුවාව සතියකට දවස දෙක ගාණේ එක දිගටම වෙනවා නම්, ඒ එක ෂොපින් කිරිල්ලකට රුපියල් දහපාළොස් දාහක් කුඩු වෙනවා නම්, ආන්න එතන තියනවා දත ගැලවිල්ලක්. එහෙම සතිපතා ෂොපින් කරලා, බිල ගෙවන්න වෙනකොට කෙල්ල ලඟට ඇවිත් අතේ පයේ නියපොතු වලින් ආදරේට ඉරි අඳින ගමන් ඇඹරෙනවා නම්, වහාම පැනලා දුවන්න! දත ගැලවිල්ලක්!!

 

අපි ආදරේ කරන මිනිස්සුන්ට තෑගි දෙන්න ආසයි. එහෙම තෑග්ගක් දුන්නහම ආදරේ කරන කෙල්ලගේ මූණ හඳ වගේ එළිය වෙන හැටි බලන්න ආසයි. සමහර වෙලාවට ඉඳලා හිටලා අපි ආදරේ කරන කෙනාගෙන් ඉල්ලලාම තෑගි ගන්න අවස්ථාත් තියෙනවා. හැබැයි ඉතින් යාලුවෙලා ඉන්න කෙල්ල මාසෙකට වතාවක් දෙවතාවක්ම තෑගි ඉල්ලනවා නම්, ඒ තෑගි අර හඳේ පස් අරන් ඇවිත්, නිස්සාරණය කරලා ලෝහ අරගෙන, කිම්බර්ලි ගිහින් පතලක් හාරලා දියමන්ති හොයාගෙන ඇවිත් හදලා දෙන්න වෙන දියමන්ති මුද්දක ජාතියේ නම්, ඕක ලෝක රන් හාරන්නියක් තමා. ඇත්තටම අපිට ආදරේ කෙල්ලෙක්ව සතුටු කරන්න මහා ලොකු තෑගි බෝග වුවමනා වෙන්නෙ නෑ. ඒක මතක තියාගත්තා නම් ඇති.

 

මෙන්න මේකත් ප්‍රොෆෙෂනල් දත් ගලවන ගර්ල්ෆ්‍රෙන්ඩ් කෙනෙක්ව හොයාගන්න පුළුවන් බොහොම ලේසි ක්‍රමයක්. ආයෙ උල්කාපාතයකින් මුතු ගෙනැල්ලා දුන්නත් වැඩක් නෑ, අහනවා මැද්දෙන් දිලිසෙන වෙන මුතු හොයාගන්න නැද්ද කියලා. කොච්චර කළත් ඇති වැඩකුත් නෑ, ගුණේකුත් නෑ. ආසාවෙන් ගෙනැල්ලා දෙන තෑග්ග අතටත් අරගෙන ඒකේ දකින්නේ ඇදයක්. හැම වෙලාවකම ඕන වෙන්නේ ඊට වඩා වැඩි දෙයක්.

 

Sri News Media

LEAVE A REPLY

Please enter your comment!
Please enter your name here