ආදරේ කරද්දී ඔහු ගැන අහන්නම ඕන ප්‍රශ්න ටිකක්… උත්තර හොඳයි නම් Love එක ගොඩ – Questions to ask from boy friend – Sri News

0
2

ජීවිත කාලේ පුරාවට ආදර කතා නම් කීයක් ලියන්න ඇත්ද? එත් ඉතින් ඒවා බොහොමයක් ලියවෙන්නේ බාගෙට. ඇයි ඉතින් ටික දුරක් එද්දී මොකක් හරි කොස්සක්. එක්කෝ අහු වෙලා තියෙන්නේ බොරුකාරයෙකුට, එක්කෝ වංචාකාරයෙකුට, එහෙමත් නැත්තන් දරු පවුල් කාරයෙකුට. නැත්තන් වෙන මොකක්ම හරි අවුලක්. ඒ නිසා ඉතින් ආදර කතාවක් සම්පුර්ණ කර ගන්නවා කියන්නෙත් සෑහෙන්න ගේමක්. විශ්වාසවන්ත, තමන්ට හරියනම මිනිහා කොහෙන් නම් හොයා ගන්නද කියලා අනන්තවත් හිතෙනවා. මොකද කොල්ලෝ විශ්වාසය කියන දේ හරි ඉක්මනට බිඳලා දානවනේ.

විශ්වාසේත් රැක ගෙන, කැප කිරීම් කරන ගමන් අවංකවම ආදරේ කරන කොල්ලෙක් හොයා ගන්න එක ඇත්තටම අමාරු වැඩක් තමයි. ඊට කලින් බලමුකෝ හොයාගෙන ඉන්න කොල්ලා ඒ වගේද නැත්තම් අර කලින් කිව්ව වගේ කෙනෙක්ද කියලා? ඔහු ගැන මේ අහන ප්‍රශ්න වලට ඔයා දෙන උත්තර වලින් වැඩි ප්‍රමාණයක් ධනාත්මකයි නම් කලබල වෙන්න දෙයක් නෑ. ගොඩ දාගන්න පුළුවන්. උත්තර ටිකක් අවුල් වගෙයි නම් ඔන්න කෙල්ලේ දෙපාරක් හිතන්න වෙනවා…

 

යකාගේ හැටියටයි විමානේ කියනවනේ. දැන්ම ඔහොම නම් කසාද බැන්ද කාලෙක කොහොමට තියෙයිද? ආදරේ කරද්දී වගේම විවාහ ජීවිතයේදී ඔබ අතින් වෙන පුංචි පුංචි වැරදි, අතපසුවීම් වලට ඔහු තරහ ගන්නේ නැත්නම් ඔබ ඇත්තටම වාසනාවන්තයි. එහෙම නැති කෙනෙක් එක්ක පවුල් කන්න නම් ඉවසීම කියන දේ සෑහෙන්න පුරුදු පුහුණු කරන්න වෙනවා.

 

මොනවා හරි දෙයක් කිව්වම ඒක පස්සට කල් දානවද? ඔය කසාද බැඳපු කාලෙක කරන්නම් කියන දේවල් ගැන නම් විශ්වාස කරන්න එපා. මෙහෙම හිතන්නකෝ. නිතරම බොන්න පුරුදු වුනු කොල්ලෙක්ට බොන්න එපා, අඩු කරන්න කිව්වම එයාල කියන දෙයක් තමයි “හරි …හරි… ඉතින් යාලුවෝ එක්ක Set වුණාම Fun එකක් ගන්න බොනවා තමයි. බැඳපු කාලෙක අඩු කරන්නම් ඉතින්” මොන පිස්සුද? ඕව බොරු කතා. දැන් කෙරෙන්නේ නැති දේවල් කසාද බැන්දම කොහෙත්ම වෙන්නේ නැහැ.

 

වැරැද්දක්, අතපසු වීමක් සිදුවුනාම තමන්ගෙන් වුනු වැරැද්ද පිළිගන්න තරම් ඔහු නම්‍යශීලි නම් ඔන්න දෙයියනේ කියලා ලැබිලා තියෙන්නේ හොඳ කොල්ලෙක්. කවදාවත් ඇත්තටම ආදරය කරන කෙනෙක් තමන්ගෙන් වන වැරදි වලට ඔයාව පටලන්නෙ නැහැ. හැබැයි ඔයාට දැන් වෙලා තියෙන්නේ ඒකෙ අනිත් පැත්ත නම් ඔහු වැරදි කරන තාක්කල් ඔයා වැරදිකාරියක් වෙනවා. කොල්ලෝ කවද්ද අනේ වැරදි නොකර ජීවත් වුනේ? දෙපාරක් හිතන්න ඕන කාරණාවක්.

 

මේක නම් ඉතින් හැම ගෑණු ළමයෙක්ම ගොඩක් කැමති දෙයක්. ඔහු වෙනුවෙන් ඔබ කරන්නේ පුංචි දෙයක් වුනත් ඒ දෙය ඔහු වචනයෙන්, ක්‍රියාවෙන් අගය කරනවානම් ඔයා ගැන එයාගේ හිතේ ඇත්තටම ආදරණීය හැඟීමක් තියෙනවා කියලා කියන්න පුළුවන්. මොකද මේකත් ආදරේ ප්‍රකාශ වෙන තවත් අවස්ථාවක්.

 

ආදරය, ගෞරවය කියන දේවල් ලැබෙන්න ඕන ඔයාට විතරක් නෙවෙයි. ආදරේ කරන කොල්ලා තමන්ගේ පවුලේ අයව ගණන් ගන්නේ නැත්තන්, නිකරුණේ ඒ අයව හෑල්ලු කරලා කතා කරනවා නම් තමන්ට විතරක් ඔහුගෙන් ලැබෙන ආදරයෙන් වැඩක් නැතිවේවි. අනික කිසිම කෙල්ලෙක් එහෙම කරනවට කැමති වෙන්නෙත් නැහැ.

 

වැරදි නම් හැමෝම අතින් වෙනවා තමයි. මොකද අපි රහත් වෙලා ඉන්නවද? එත් ඉතින් ඒවා ගැන කතාබහ කරන, විසඳගන්න විදියක් තියෙනවා. ඒත් ගොඩක් කොල්ලෝ ඒ ගැන හිතනවා අඩුයි. ඉන්නේ කොහෙද? වටේ පිටේ කවුද ඉන්නේ? මේ කිසිම දෙයක් හොයන්නේ බලන්නේ නැතිව කෑ ගහනවා. මොන විලි ලජ්ජාවක්ද ඒක? කෙල්ලන්ටත් කියලා ආත්ම ගරුත්වයක් තියෙනවා කියන එක කොල්ලෝ මතක තියා ගන්නවා නම් වඩා හොඳයි.

 

Sri News Media

LEAVE A REPLY

Please enter your comment!
Please enter your name here