අපේ කලා ක්ෂේත්‍රයේ ජය කෙහෙළි නැංවූ සහෝදරයෝ – Sri News

0
3

අපි පහුගිය සති කීපය පුරාවටම කලා ක්ෂේත්‍රයේ කලාකරුවන්ගේ එක එක නෑකම් පිළිබඳව විස්තර ඔබට ගෙනාවා. මේ ඒ ආටිකල් සීරිස් එකේම තවත් කොටසක්. අපි අද මේ ආටිකල් එකෙන් කතා කරන්න බලාපොරොත්තු වෙන්නේ කලා ක්ෂේත්‍රයේ නිරත වෙලා ඉන්න සහෝදරයෝ ගැන

 

සිංහල සිනමාවේ පළවෙනි නිළිය විදිහට රුක්මණී දේවියට විශාල ගෞරවයක් ලැබුණත් අපි බොහෝ දෙනෙක්ට සිංහල සිනමාවේ පළවෙනි නළුවා ගැන අමතක වෙනවා. ඔහු තමයි බී. ඒ. ඩබ්ලිව්. ජයමාන්න. ඒ වගේම පළමු සිංහල චිත්‍රපටය නිර්මාණය කිරීමේ ගෞරවය බී. ඒ. ඩබ්ලිව්. ජයමාන්නට හිමිවෙනවා. බී. ඒ. ඩබ්ලිව්. ජයමාන්න තමන්ගේ චිත්‍රපට සහ වේදිකා නාට්‍ය හරහා තමන්ගේ සහෝදරයවත් ජනප්‍රිය කරවනවා. මේ සහෝදරයා තමයි එඩී ජයමාන්න. ලංකාවේ පළවෙනි සාර්ථක විකට නළුවා විදිහට එඩී ජයමාන්න ඉතිහාසහත වෙනවා.

 

දයාසිරි ජයසේකරට දේශපාලනඥයෙකු විදිහට ඇතැම් අය ප්‍රිය නොකළත් ඔහුව කලාකරුවෙක් විදිහට විශේෂයෙන්ම ගීත ගායකයෙක් විදියට බොහෝ දෙනෙක් අගය කරනවා. ඔහු ගායනා කළ ගීත ගණන අල්පයක් වුණත් ඇතැම් ගීත අතිශයින් ජනප්‍රියත්වයට පත් වුණා. ඔහුගේ වැඩිමහල් සහෝදරයා වුණු කිත්සිරි ජයසේකර සාර්ථක ගායකයෙක් විදිහට දිග ගමනක් ක්ෂේත්‍රය තුළ ආවා. නමුත් මේ වෙනකොට ඔහු විදේශගත වීම නිසා මෑතකදී නම් අපිට ඔහුගේ  නව ගීතයක් අහන්න ලැබුණේ නැහැ.

 

මධුමාධව ක්ෂේත්‍රයට පිවිසෙන්නේ පරම්පරාවේ උරුමයක් එක්ක. සිය පියාගේ අඩි පාරේ යමින් ඔහු සාර්ථක ගායකයෙක් බවට පත් වෙනවා. ඔහුගේ පියාටත් වඩා මධුමාධව ජනප්‍රිය වුණා කිව්වොත් නිවැරදියි නිවැරදියි. ගීත ක්ෂේත්‍රයට ඒ හා සමාන ජනප්‍රියත්වයක් ඔහුගේ පවුලෙන් ලැබූ අනිත් කෙනා විදිහට සලකන්න පුළුවන් ඔහුගේ නැන්දනිය වුණු චන්ද්‍රිකා සිරිවර්ධන පමණයි. හැබැයි මේ සියල්ලන්ගේම ජනප්‍රියත්වයට වඩා වැඩි ජනප්‍රියත්වයක් මධුමාධවගේ බාල සහෝදරයා ලබා ගත්තා. ඒ ගායකයෙක් විදිහට නම් නෙමෙයි, නළුවෙක් විදිහට. ධනංජය සිරිවර්ධන මුලින්ම රඟපෑමෙන් එක් වුණෙත් ඔවුන්ගේ පියා අධ්‍යක්ෂණය කරපු “නේත්‍රා” ටෙලි නාට්‍යයෙන් වීමත් තවත් විශේෂත්වයක්.

 

ආනන්ද වික්‍රමගේ හා මානෙල් වික්‍රමගේගේ පුතුන් දෙදෙනා විදිහට ක්ෂේත්‍රයට පිවිසෙන මේ සහෝදරයන් දෙදෙනා ක්ෂේත්‍රය තුළ තමන්ගේම රංගන අනන්‍යතාවක් ගොඩනඟා ගනු ලැබුවා. ජනිත් වික්‍රමගේ  සරල සහ විනෝදාස්වාදය නියුතු චරිත තෝරා ගනිද්දී සංකේත් වික්‍රමගේ බොහෝ අවස්ථාවල තෝරා ගත්තේ තමන්ගේ රංග පරාසය ප්‍රේක්ෂකයාට පෙන්විය හැකි නිර්මාණයි. ඒ වගේම ජනිත් වික්‍රමගේ නර්තන ශිල්පියෙක් විදියටත් රියැලිටි තරග හරහා තමා තම දක්ෂතා පෙන්වනු ලැබූවා. හැබැයි මෑතකදී නම් මේ සහෝදරයන් දෙදෙනාම  නිර්මාණයකින් මුණගැසුනේ නැහැ.

 

Sri News Media

LEAVE A REPLY

Please enter your comment!
Please enter your name here