අපි නොහිතන තේරුම් තියන සිංහල ගී​ත 7ක්

0
7

සංගීතය කියන්නෙ විශ්ව භාෂාවක් කියලයි කියන්නෙ. ඒ තරමටම සංගීතය කියන්නෙ ලෝකයේ ඕනෑම කෙනෙකුට රසවිඳින්න පුළුවන් කලාවක්. ගීතයක සම්පූර්ණ රසය විඳින්න ඒ ගීතය ලියපු භාෂාව හෝ ගීතයේ තේරුම නොතේරුණා කියල කිසිම බාධාවක් වෙන්නෙ නැහැ. මේ බව හොඳටම දන්නවා ලෝකයේ විවිධ භාෂා වලින් ලියැවුණු ගීත වෙනසක් නැතුව රසවිඳින අය. හැබැයි ගීතයක හරිම තේරුම දැනගෙන ඒ තේරුම හිතට අරගෙන ගීතය රසවිඳිනවා කියන්නෙ වෙනස්ම රසයක්. හැබෑ සංගීත ලෝලීන් ඒ රසයටත් හරිම කෑදරයි. අන්න ඒ අය වෙනුවෙන් තමයි මේ ලිපිය ලියවෙන්නේ. අපි තාමත් රස විඳින අපේ සමහර සිංහල පැරණි ගීත වගේම මෑත කාලීනව ලියවුණු සමහර ගීතත් මතුපිටින් පෙනෙන සියුම් අර්ථයට වඩා ගැඹුරු අර්ථයක් තියෙන ලස්සන නිර්මාණ. ඉතින් අපි හිතුවා අපි මතුපිටින් සවන් දුන්නහම ඇහෙන සරල තේරුමට වඩා ගැඹුරු අර්ථයක් තියෙන සිංහල ගීත කිහිපයක් ගැන කතා කරන්න.  

 

 

මේ වක්කඩ ලඟ ගීතයේ තේරුම ගැනනම් හුඟක් දෙනෙක් දන්නවා. ඒත් නොදන්න අයටත් දැනගන්නත් එක්කම අමරදේවයන්ගේ මේ ගීතයේ සැඟවුණු තේරුම ගැන මුලින්ම බලමු. මහගමසේකර ශූරීන් විසින් රචනා කරපු මේ ගීතයේ මතුපිටින් පෙනෙන තේරුමට වඩා ටිකක් වෙනස් තේරුමක් තමයි ඇත්තටම ගීතය ඇතුළෙ තියෙන්නෙ. මතුපිටින් අපිට තේරෙන්නෙ මේ ගීතයෙන් කරන්නේ සියුම් පරිසර වර්ණනාවක් කියලනේ. ඒත් ඇත්තම තේරුමේ හැටියට මේ ගීතයෙන් කියවෙන්නෙ ටිකක් වැඩිහිටියන්ට සුදුසු කතාවක්. තමන්ගේ බිරිඳගේ මාසික අසනීප දින වලින් පස්සේ ඇය සමඟ ලිංගිකව  සම්බන්ධවන ස්වාමි පුරුෂයෙක් ගැන තමයි ගීතයෙන් කියවෙන්නේ. සංසර්ගයේ ඒ ඒ  අවස්ථාවන්ට ගැලපෙන්න පද සංකල්පනාවන් වගේම තනු නිර්මාණයත් අපූරුවට ගැලපිලා තියෙන ලස්සන ගීතයක් මේ.

 

https://www.youtube.com/watch?v=uSsK6fRc2sk

 

බොල්පිනි වෑහෙන වෙලාවේ ගීතයත් ඇසූවනින්ම අපිට හිතෙන්නෙ සාමාන්‍ය පෙම්වතෙක් හෝ බිරිඳක් හැරයන පුද්ගලයෙකු විසින් කියන සංවේදී පද වැලක් කියලයි. එත් ඇත්තටම මේ ගීතයෙන් කියවෙන්නේ සිදුහත් බෝසතාණන් වහන්සේ යශෝදරා දේවිය හැරයමින් අභිනිෂ්ක්‍රමණය කරන අවස්ථාව ගැනයි. සංසාරය නැමති ගැලේ නැගිලා ගමින් ගමට යන ගමනේ එක නවාතැනකින් අභිනික්මන් කරන බව තමයි ගීතය පුරාවටම ලියවිලා තියෙන්නේ. රූකාන්ත ගුණතිලක විසින් ගායනා කරන මේ අපූරු ගීතයේ පදවැල නිර්මාණය වෙලා තියෙන්නෙ සරත් ප්‍රනාන්දු අතින්.

 

https://www.youtube.com/watch?v=wCuwU2_INzk

 

සොඬින් නෙළුම් මල ගෙනියන කියන ගීතය අතුල අධිකාරී විසින් ගායනා කරන හරිම අපූරු ගීතයක්. පද සංකල්පනාව රත්න ශ්‍රී විජේසිංහයන්ගේ. ඇත්තටම ගීතයේ මතුපිටින් කියවෙන්නෙ ඇතින්නියක් ගැන. අහපු ගමන් ඕනෑම කෙනෙකුට තේරෙන්නෙ පෙරහැරක ගමන් කරන ඇතින්නියක් ගැන කියවෙන අපූරු පදවැලක් බව. එත් ඇත්තටම මේ ගීතයට තියෙන්නෙ හිතාගන්නවත් බැරි අර්ථයක්. ගීතයෙන් කියවෙන්නෙ පුංචි දරුවන් ගෙදර තනිකරලා රැකියාවට යන අම්මලා ගැනයි. ඒ ඇතින්නිය කියන පදයෙන් හඳුන්වලා තියෙන්නෙ මේ අම්මාවරුන්වයි.

Sri News Media

LEAVE A REPLY

Please enter your comment!
Please enter your name here