අනියම් සම්බන්ධතාවයක් අතේ මාට්ටු උනාට පස්සේ… – Sri News

0
4

“වැටකොටු බැ​ඳ මලක සුව​ඳ වටකරගත නොහේ. ආදරයේ නොනිම් සුව​ඳ අනන්තයට ඇදේ” කියලා නන්දා මාලනී මහත්මියගේ ගීතයක තියෙනවා. විවාහ වුනා කියලා ආදරයේ කෙළවරක් ඇති වෙන්නේ නැහැ. ගොඩක් අයට විවාහ ජීවිතයේ ලැබෙන ආදරය ටික දවසකින් උදාසී​න වෙනවා, ඇති වෙනවා. ඉන් පස්සේ වෙන වෙන ආදර කතා වල හෙමිහිට පැටලෙනවා. මුල් කාලෙදි වයිබර්, වට්සැප්, මැසේජ් වලින් ආදරේ ගා​ණට ලයින් වෙනවා. ඒත් කල් යද්දි ඉතින් හම්බ ​වෙලා කතාකරන මට්ටමට ආවාම පෙ​ළක් වෙලාවට ඒ අතුරු ලව් එක මාට්ටු වෙනවා. එහෙම වුනාම ඉතින් වලි ගොඩායි. මේ වලි ඉතින් ගෙදර බත බෙරිවෙලා, යතුර නැතිවෙලා වගේ සොඳුරු වලි නම් නෙමෙයි. බොහොම දරුණුවට ඇතිවෙන, පවුලක ඇතිවිය හැකි ප්‍රබලම විදියේ වලි. 

 

අනියම් කියන්නේ නියම එකට පිටින් තියෙන දෙයක් නේ. සෑම අනියම් එකක්ම පරෙස්සමෙන් කරන්න තමයි බොහෝ අය පටන් ගන්නේ. ඒත් ඉතින් ලෝකයා අපිට වැඩිය අපි ගැන අවධානයෙන් ඉන්නවා. අපේ හො​ඳම යාලුවා, එහෙම නැතිනම් හස්බන්ඩ්​ගේ වයිෆ්ගේ හො​ඳම යාලුවා අපි ගැන එයාලටත් වැඩිය අවධානයෙන් ඉන්නවා. ෆෝන් එක ඇතුලේ යන ආදරය මහපො​ළවට සැපත් වෙද්දි කාර් එකක බයික් එකක කොහෙ හරි යන්න සෙට් වෙනවා. නැතිනම් කවුරුවත් නැති වෙලාවක ඔන්න ඔහෙ ගෙදරම කමක් නැහැ කියලත් එකතු වෙනවා. ඔය මොන ක්‍රමයට කරත් හැමදාම ලෝකයෙන් ස​ඟවන්න අමාරුයි. ඉතින් මාට්ටු වෙනවා. 

 

කලිනුත් කිව්වා වගේ මේ වගේ අනියම් කේස් එක මාට්ටු වෙන වෙලාව කියන්නේ සුන්දර වලියක් නම් නෙමෙයි. ඔන්න ගෑණු අය නම් පිරිමියාගේ එකක් මාට්ටු වුනාම බැනලා බැනලා අහක් වෙලා දමලා යන්න පවා හදනවා. පිරිමි අයනම් ඉතින් දරුණුවටම ප්‍රචණ්​ඩ වෙලා පහරදෙන්න පවා යනවා. පහර දීම කියන්නේ හො​ඳ දෙයක් නෙමෙයි. ඒත් අපි කිව්වත් නොකිව්වත් සමහර අයට ඒ ආවේගය දරාගන්න අමාරුයි. ඉතින් තත්ත්වේ ගොඩක්ම දරුණු වෙයි කියාල හිතෙනවා නම් ඇතැම් අය ආරක්ෂක පියවර විදියට ටික දවසක් ඈත් වෙලා ඉන්නවා. අම්මලාගේ ගෙදර යනවා. නැතිනම් බිසී කියලා වැඩ ගොඩක් දාගෙන මූණ දෙන්නේ නැතුව ඉන්නවා. 

 

දෙමාපියන්ට දරුවන් මොන මට්ටමේදිත් පොඩියි. දරුවන්ගේ මොකක් හරි අනියම් හුටපටයක් කියන්නේ සමහර විට ඒ අදා​ළ අයටත් වඩා දෙමාපියන්ට අවමානයක්. ඉතින් එයාල ඒකට කේන්දර ආදිය බලනවා. කේන්දර වල සිකුරා මොනාහරි වැඩියෙන් වැඩකරලා හෝ සෙනසුරු වැඩියෙන් කැරකිලා කියල ඒ කේන්දර බලන අය කියනවා. ඇත්තටම එතකොට මේ ලංකාවේ සිද්ද වෙන කොටු පැනීමකට අහක ඉන්න සිකුරා, සෙනසුරාලා, බ්‍රහස්පති ලා බැනුම් අහනවා කියලාත් කෙනෙක්ට හිතෙන්න පුළුවන්. ඒත් ඉතින් ග්‍රහ බලපෑම් විශ්වාස කරන අයට අනුව නම් ඒ ග්‍රහයා මාරු වෙච්ච නිසා තමයි තමුන්ගේ පුතාට ​හෝ දුවට කොටුව මාරුවෙන්න හිතිලා තියෙන්නේ. 

 

තනි අතකින් අත්පුඩි ගහන්නට බැහැ. ඒත් ඉතින් මොකක් හරි වැඩක් අතට අහුවුනාට පස්සේ .“අනේ අක්කේ මට මොනා වුනාද කියලා හිතාගන්න බැහැ.“ කියලා ​ෂේප් වෙනවා. ඒ වෙලාවට අනික් පාර්​ශවේ ඉන්න අයට තමයි ගොඩක් බර යන්නේ. පිටින් ඇවිත් සෙට් වෙලා ඔක්කෝම ක​ළේ පිටින් ආපු කෙනාය කියලා ඒ මනුස්සයාට ඔක්කෝම බනිනවා. ගෙදර සැමියාට ඒ සෙට් වෙලා තියෙන්නේ ගෑණියෙක් නම් වෛශ්‍යාව, වටේ යන එකී ආදී වශයෙන් ගෙදර උදවිය ඒ කාන්තාව​ට බනිනවා. 

 

Sri News Media

LEAVE A REPLY

Please enter your comment!
Please enter your name here